Degtyarev piyoda pulemyoti (DP)

DP (Degtyaryeva Piyoda) - V. A. Degtyaryev tomonidan ishlab chiqilgan qo‘l pulemyoti. Dastlabki o‘nta seriyali DP pulemyotlari 1927-yil 12-noyabrda Kovrovskiy zavodida ishlab chiqarilgan, keyin 100 ta pulemyot partiyasi harbiy sinovlarga topshirilgan, natijada 1927-yil 21-dekabrda pulemyot RKKA qurollanishiga qabul qilingan. DP SSSRda yaratilgan o‘qotar qurollarning birinchi namunalaridan biri bo‘ldi. Pulemyot Ulug‘ Vatan urushining oxirigacha vzvod-rota bo‘g‘inining piyoda askarlarini qo‘llab-quvvatlashning asosiy quroli sifatida ommaviy ravishda ishlatilgan.

Pulemyot anjomlari tarkibiga quyidagilar kiradi:

Stvol kanalini tozalash uchun yig‘ma shompol;
Pulemyotni qismlarga ajratish va yig‘ish uchun kalit-otvyortka;
Pulemyotni qismlarga ajratmasdan stvol qutisining yuqorigi oynasi orqali patronni artish va tozalash uchun tirsakli tirnoqli artgich;
Gaz yo‘llarini tozalash uchun asbob;
O‘qlar va shpilkalarni itarib chiqarish uchun ikkita bolg‘acha;
Gilzalarning uzilib tushgan og‘izlarini chiqarib olish uchun ajratgich.

Barcha anjomlar quti-sumkaga yoki brezent sumkaga solinadi.

Xususiyatlari :

Qurolning soshkalar bilan birgalikdagi og‘irligi - 9,12 kg.
Bo‘sh va o‘qlangan o‘qdonning massasi mos ravishda 1,6 va 2,8 kg.
Umumiy uzunligi - 1270 mm.
Stvolning uzunligi alanga o‘chirgichsiz 604,5 mm.
Kalibri - 7,62.
O‘q otish tezligi - daqiqasiga 500-600 o‘q, jangovar - 80.
Yengil o‘qning boshlang‘ich tezligi - 840 km/soat.
Nishonga olish masofasi - 1500 metr, maksimal - 2500.
Ta’minot - 47 patronli yassi diskli o‘qdon.
Nishon - sektorli.
Ishlash printsipi - porox gazlarini olib tashlash va ochiladigan jangovar tayanchlar bilan qulflash.